lmarhom lhaj mohmed
dmsiri

Lààez i tclêhit

Rebbi zayd at lààez nnek i tclêhit
Nettat as ligh atig innagh ka mmusgh
Llah akbar a tadallit nusi kem
Inmaqqar wadû d tagut lbêhr mmaghen
Ssuq inder s mdden kulci telfen
Tusimt a targagayt icerrayen
Ula yan gis izzenzan is ten ffaghen

Han uccen ar immâd ikkis tagant
Ammas n tgemma agh ad ittây tighâten
Rebbagh uskay idru disen feln agh
Amuc d ugherda hati mcawaren
Ayenna reglgh igh tend ukren cerkwen ten
A fellangh ixelf rebbi takerrayt

Nega zund yan ikkerzen gh lbêhr ssâbt
Igh nera a ntub ad nâdu s igharasen
Ur nessin mani s rad nrar sul ixef
Ur igi zzman abla a gis nqqen imi nex
Ad ur nettini lêhadit ula amarg

Rebbi rar d ukan tagut i ifellâhen
Imma ssâbt mqqar kkrezagh urgh nessuten
Walli dar afud ur agh tent ifel
Qren rebataàc ad a mi ttexmmimex
At issufegh Rebbi ka bixir fellangh

A tamurghi trzêm d imi s liqqamt
Han azêru d iferg asen ccwernt
Id is ur telli tagat ay imuslmen ?
Lligh ikcem wakuz s lmusêhaf icc t
Agwens n tlimamt ad ikka s talûht
Ah a tawda ayyur gh igenna an tusimt
Làib neksûd ayyid iffugh tafukt
Ad ur ghabent f mdden lâh tifawt

Gaten kullu s rebbi sin ifassen
ad ukan ur idêr igenwan fellangh
nettan ka ssul ibidden gh lqul nnes
imma kulci magh nega nniyt urmegh t
ur isul maf ittrêbbu yan tasa nnes
nekkin idêr iyyi mad usigh gh ifassen
lligh a nzzêra lbâdel gh ayt làilem
walli nega f lbab wwurti ttâsen
uzzlen id wacc ar ka gisen semrwayen

A ddunit han afud as akw tllamt
wana fellan icc babas iqqen imi nnes
igh idda kra ar igh kid uten s tawwunt
igh asen tsêrêt is ra helli tecmmatem
ullah ar d ig a felan làar ka winnek
is aka tzayadem aggren i tfulust
ad irar rebi gh igenwan tifawt.